བོད་གངས་ཅན་གྱི་སྐྱེས་མ་ཡོངས་ལ་རྒྱལ་སྤྱིའི་བུད་མེད་དུས་ཆེན་ཉིན་བཀྲ་ཤིས་རྟེན་འབྲེལ་ཞུ།
དེ་དང་ཆབས་ཅིག་ཏུ།
གླུ་ལེན་བྲོ་འཁྲབ་གཅིག་པུས་མཛངས་མ་མི་འོང་།
གསེར་དངུལ་གཡུ་བྱུར་གཅིག་པུས་མཛེས་མ་མི་འོང་།
བུ་ཕྲུག་བསྐྱེད་གསོ་གཅིག་པུས་ཨ་མ་མི་འོང་།
སྐུ་རིམ་ཞབས་བརྟན་གཅིག་པུས་བཙུན་མ་མི་འོང་།
དེ་རྣམས་ནི་མི་འོང་བ་རྣམ་བཞི་ཡིན་པས་ཐུགས་ལ་འཇགས་པར་ཞུ།

ཕ་སྐད་མ་ཡིག་ལ་འབད་པ་མཛོད།
བྱིས་པའི་སློབ་གསོ་ལ་དོ་སྣང་གྱིས།
ཁ་བཤད་ཀྱིས་མི་ཕན་ལག་ལེན་དགོས།
ལག་ལེན་གྱིས་མི་ཕན་རྒྱུན་འཁྱོངས་དགོས།

འགྲོ་བའི་བསོད་ནམས་ཞིང་ས་ལ། །
བདེར་གཤེགས་སྤྲུལ་པ་བྱོན་ནས་སུ། །
སྐྱེ་རྒུ་ཐར་བའི་ལམ་ལ་བཀོད། །
བདེ་བའི་ཉི་མ་མཁའ་ལ་ཤར། །

བོད་ཁ་བ་ཅན་གྱི་གནམ་ལོ་གསར་པ་འབྲུག་ལོ་གསར་ཚེས་ལ་བཀྲ་ཤིས་རྟེན་འབྲེལ་ཞུ།

གཟུགས་སྐུ་ཡུལ་ན་མེད་ཀྱང་སེམས་ན་ཡོད། །གདམས་ངག་ཕྱི་ན་མེད་ཀྱང་བློ་ན་ཡོད། །ཞལ་མཇལ་ཉིན་མོ་མེད་ཀྱང་མཚན་མོ་ཡོད། །ཡང་མཇལ་ད་ལྟ་མེད་ཀྱང་སླད་ནས་ཡོད། །དཔོན་སློབ་འདུ་བ་ཡོད་ཀྱང་འབྲལ་བ་མེད། །བཀའ་དྲིན་འཇལ་བ་ཡོད་ཀྱང་འཁོར་བ་མེད། །ཐུགས་ཡིད་བསྲེ་བ་ཡོད་ཀྱང་དབྱེ་བ་མེད། །དུས་ཚོད་འདས་པ་ཡོད་ཀྱང་བརྗེད་པ་མེད། །

ཨེ་ཛི་སྔོན་འགོག་དང་སྨན་བཅོས་ལ་ཅིས་ཀྱང་མུ་མཐུད་དུ་གཟབ་ནན་གནང་བར་ཞུ།

ཟས་ཀྱི་དྭངས་རྩེ་དཀར་ཟས་ཏེ།།
འབགས་མེད་སྡིག་མེད་འཚེ་བ་མེད།།
བློ་ཡི་དྭངས་རྩེ་སྙིང་རྗེ་སྟེ།།
ཁྲོ་མེད་འཁོན་མེད་སྡུག་བསྔལ་མེད།།

དངོས་བྱུང་གི་དོན་འདི་ལ་གཞི་བྱས་ནས་རླབས་ཆེན་གྱི་ཨ་མ་ཞེས་པའི་བྱིས་སྒྲུང་འདི་བྲིས་པ་ཡིན།

བོད་ཟས་མྱོང་གཅོད་ཚོགས་འདུ་སྐབས་བཞི་པ། 慈诚罗珠藏文微博的微博视频

ཟས་རྒྱུ་གཙང་ཞིང་གཡོས་སྦྱོར་ལེགས། །རྣལ་མའི་བྲོ་བ་ཁ་ལ་ཞིམ། །ནུས་བཅུད་མ་ཉམས་ལུས་ལ་འཕྲོད། །གངས་ཅན་བཟའ་བཏུང་བདུད་རྩིའི་དཔལ། །
ལོ་ལྔའི་རིང་ལ་འབད་པ་བྱས་ཤིང་། བོད་ཟས་ཀྱི་བགྲོ་གླེང་དང་ཚོགས་འདུ་ཐེངས་༣༨་ལ་ཞུགས། བོད་ཟས་ཞིབ་འཇུག་པ་ཀརྨ་བདེ་ལེགས་དང་ཨ་རིགས་བོད་ཟས་ཁང་གི་བདག་རྐྱེན་ལ་བརྟེན་ནས་ད་ལམ་འབྲས་བུ་ཅུང་ཟད་ཐོབ་སོང་།

ཚིག་མཛོད་རིག་པ་དང་བྱིས་སྒྲུང་བྲི་ཚུལ།

མངགས་བཅོལ་འདི་ལ་དོ་སྣང་གནང་བར་ཞུ།

ད་དུང་མངགས་བཅོལ་འདི་ལའང་དོ་སྣང་གནང་བར་ཞུ།

བོད་གངས་ཅན་གྱི་སྐྱེས་མ་ཡོངས་ལ་རྒྱལ་སྤྱིའི་བུད་མེད་དུས་ཆེན་བདེ་སྐྱིད་ངང་རོལ་བའི་རྟེན་འབྲེལ་ཞུ།
དེ་དང་ཆབ་ཅིག་ཏུ།
བུ་ལ་ཕ་སྐད་མི་སློབ་པ། །ཕ་མའི་སྐྱོན་གྱི་ཆེ་ཤོས་ཏེ། །
ཁྱིམ་གྱི་སྒོ་ལ་ཕུད་ཀྱང་སླ་ཡི། །རིགས་ཀྱི་གྲལ་ནས་མ་ཕུད་ཅིག །
ཅེས་པ་དང་།
ཕོ་མཆོག་མོ་དམན་གྱི་ལྟ་བ་མཁྲེགས་པོ། །
འཇིག་རྟེན་རྙིང་ཧྲུལ་གྱི་འཛིན་ཞེན་དམ་པོ། །
ཚུལ་མིན་ལུགས་མིན་གྱི་གནས་ལུགས་རྫུན་མ། །
ཆོས་ལོག་སྲིད་ལོག་གི་ལྟ་ལོག་རྣལ་མ། །ཞེས་པ་འདིའང་སེམས་ལ་བཟུང་ནས་ལག་ཏུ་ལེན་པར་ཞུ།

མི་གལ་ཆེན་ཞིག་བཞུད་པས་གྱོང་གུན་ཧ་ཅང་ཆེན་པོ་ཐེབས། ཐམས་ཅད་ཀྱིས་བསྔོ་སྨོན་རེ་གནང་བར་ཞུ།

སྐྱིད་སྡུག་ལེགས་ཉེས་ཀུན་ཏུ་བླ་མ་མཁྱེན། །
འདི་ཕྱི་བར་དོ་ཀུན་ཏུ་བླ་མ་མཁྱེན། །
རིགས་དྲུག་གང་དུ་སྐྱེས་ཀྱང་ཐུགས་རྗེས་ཟུངས། །
སྐྱེ་ཀུན་འབྲལ་བ་མེད་པར་བྱིན་གྱིས་རློབས། །

བོད་གངས་ཅན་པའི་གནམ་ལོ་གསར་དུ་ཚེས་པ་ལ་སྐྱེ་འགྲོ་ཐམས་ཅད་ཚེ་རིང་ཞིང་ནད་མེད་བཀྲ་ཤིས་དོན་ཀུན་འགྲུབ་པའི་རྟེན་འབྲེལ་ཞུ།

རྫོགས་པའི་སངས་རྒྱས་ཟེར་ན་བླ་མའི་ཐུགས། །
དམ་ཆོས་སྡེ་སྣོད་ཟེར་ན་བླ་མའི་གསུང་། །
འཕགས་པའི་དགེ་འདུན་ཟེར་ན་བླ་མའི་སྐུ། །
ཀུན་འདུས་བླ་མ་རྗེ་ལ་གསོལ་བ་འདེབས། །

མུ་མཐུད་དུ་ཨེ་ཛི་སྔོན་འགོག་དང་འཕྲོད་བསྟེན་གྱི་ལས་ལ་བརྩོན་དགོས། ང་ཚོས་ལོ་བཅུའི་རིང་ལ་འབད་པ་བྱས་ཀྱང་ད་དུང་མགོ་ཚུགས་པ་ཙམ་ལས་ཅི་ཡང་གྲུབ་མི་འདུག། གངས་ཅན་པ། བདེ་ཐང་ནི་བདེ་སྐྱིད་དང་ཡར་རྒྱས་ཀྱི་རྩ་བ་ཡིན་པ་འདི་ཅིས་ཀྱང་ངོ་ཤེས་པར་མཛོད་ཅིག།

བྱམས་པའི་དྲི་ཞིམ་འཐུལ་ཞིང་། བརྩེ་བའི་རོ་བཅུད་ལྡན་པའི་དཀར་ཟས་ཀྱིས་འཚོ་བར་སྨོན།
ད་ལམ་དཀར་ཟས་བསྟེན་ཚུལ་གྱི་དཔེ་ཆ་ལེགས་པོ་ཞིག་བོད་སྐད་དུ་བསྒྱུར་ཡོད་པས་གཟིགས་པར་ཞུ་ཞུ།