传授喇嘛索朗彭措之教言
བླ་མ་བསོད་ནམས་ཕུན་ཚོགས་ལ་གདམས་པ། ཀྱེ་ལགས། མཚུངས་མེད་དྲིན་ཆེན་བླ་མ་རིན་པོ་ཆེ། །འདུག་པའི་དུས་སུ་སྤྱི་བོའི་གཙུག་ཏུ་བསྒོམ། །ཡང་ཡང་གསོལ་བ་ཐོབ་ལ་དབང་བཞི་ལོངས། །ཐུགས་ཡིད་དབྱེར་མེད་འདྲེས་པའི་དགོས་པ་ཡོད། །སྤྱོད་ལམ་སྐབས་སུ་གཟུགས་སྣང་བླ་མའི་སྐུ། །སྒྲ་གྲགས་ཐམས་ཅད་གསུང་གི་རང་བཞིན་དང་། །དྲན་རྟོག་བཟང་ངན་ཐུགས་སུ་འཁྱེར་ཤེས་ན། །སྣང་སྲིད་བླ་མར་འཆར་བའི་གདམས་ངག་ཡིན། །ཟ་བའི་དུས་སུ་མགྲིན་པའི་དབུས་སུ་བསྒོམ། །བཟའ་བཏུང་བདུད་རྩིའི་ཕུད་ཀྱིས་ལེགས་མཆོད་ན། ། བཟའ་བཅའ་བཏུང་བའི་སྒྲིབ་པ་མི་འབྱུང་ཞིང་། །དགའ་སྟོན་ཚོགས་སུ་འགྱུར་བའི་དགོས་པ་ཡོད། །ཉལ་བའི་དུས་སུ་སྙིང་གི་དཀྱིལ་དུ་བསྒོམ། །སྐུ་ཡི་འོད་ཀྱིས་བརྟན་གཡོའི་སྣང་བ་ཀུན། །འོད་དུ་གྱུར་ནས་སླར་ཡང་རང་ལ་བསྡུས། རྨི་ལམ་འོད་གསལ་འཆར་བའི་གདམས་ངག་ཡིན། །ནམ་ཞིག་མི་སྡོད་ཕྱི་མར་འགྲོ་བའི་ཚེ། །བློ་སྣ་ཚབ་ཚུབ་མང་པོ་མི་བྱེད་པར། །རང་རིག་བླ་མའི་ཐུགས་དང་དབྱེར་མེད་དུ། །འཇོག་པ་འཕོ་བ་ཀུན་ཀྱི་རྒྱལ་པོ་ཡིན། །ཁྱོད་དང་ང་གཉིས་མི་ཚེ་གང་པོ་ལ། །མཉམ་དུ་བསྡད་ཀྱང་འདི་ལས་ལྷག་པ་ཡི། །ཟབ་པའི་མན་ངག་བདག་ལ་འབུལ་རྒྱུ་མེད། །དེ་ཕྱིར་སྙིང་གི་དབུས་སུ་འདི་ཟུངས་ཤིག ། ཅེས་ཆོས་མཐུན་གྱི་སྐྱེས་བུ་དམ་པ་བསོད་ནམས་ཕུན་ཚོགས་ནས་ཡང་ཡང་ཞལ་གདམས་ཞིག་དགོས་ཞེས་བསྐུལ་བའི་ཚེ་བཞེད་སྐོང་ལྡོག་མིན་ཙམ་དུ་མདོ་མེད་ཀྱི་སྤྲང་པོ་ཆོས་དབྱིངས་རང་གྲོལ་ནས་བྲིས་པའོ། །དགེ་ཞིང་བཀྲ་ཤིས།
奇哉
无等大恩上师宝，坐时观想于顶处，
屡屡祈祷受四灌，心心相印之必要。
威仪见色知师身，闻声知师语自性，
善恶念知道用智，现有显师之教言。
用餐上师观喉间，饮食甘露献新供，
不出饮食之障碍，成会供宴之必要。
卧时上师观心间，身光令诸动静相，
化光复融于自身，现梦光明之教言。
何时不住出行时，心绪切莫急慌慌，
自心师智无有别，一切安住动念王。
你我毕生虽共住，较此更胜深窍诀，
吾尚无有所供养，故当铭记于心中。
此文，随法之大德索南彭措再三劝请“需要一言教”，实难推却，为满其愿，一无所成之乞人秋扬壤珠撰写。善哉！愿吉祥！