索达吉堪布 >> 加持祈祷文——敬信苗芽返回

加持祈祷文——敬信苗芽

索达吉堪布 2023-07-21

加持祈祷文

——敬信苗芽

诶玛吙！

大悲宝藏观世音，所化胜刹此雪域，

恩德无比莲师摄，大成就者瑜伽士，

祈祷降魔金刚尊，加持我除八法贪，

修行乃至生命终。

三密金刚幻化舞，驱诤时暗众生怙，

祈祷晋美彭措尊，加持我除八法贪，

修行乃至生命终。

由师妙语射光芒，绽放深广法慧莲，

弘法利生事业兴，祈祷索朗达吉尊，

加持我除八法贪，修行乃至生命终。

前世广行善福力，今生无偏广利众，

高树法幢吉祥主，祈祷根本上师尊。

视师真佛敬信心，猛励祈祷遍知汝，

加持尽息法违缘，于离八法幽静处，

终生修行臻究竟，不净妄相消法界，

现前本净法身意，自成如来藏宫中，

持执本来坚稳地。

此祈祷文，应上师亲传弟子江柯等人之劝请，难辞其意，有活佛虚名者扬唐撰写于2015年9月。依此愿成为上师加持入于相续之因。增吉祥！

༈ བྱིན་རླབས་གསོལ་འདེབས་མོས་གུས་ཀྱི་མྱུ་གུ།

ཨེ་མ་ཧོ།

སྙིང་རྗེའི་གཏེར་ཆེན་ཕྱག་ན་པདྨོ་ཡི། །

གདུལ་བྱའི་ཞིང་མཆོག་གངས་རིའི་ལྗོངས་འདི་རུ། །

བཀའ་དྲིན་ཟླ་བྲལ་པདྨ་སཾ་བྷ་ཝས། །

རྗེས་བཟུང་གྲུབ་ཆེན་ནམ་མཁའི་རྣལ་འབྱོར་པ། །

རྡོ་རྗེ་བདུད་འཇོམས་ཞབས་ལ་གསོལ་བ་འདེབས། །

ཆོས་བརྒྱད་ཚེ་འདིའི་ཞེན་པ་རང་གྲོལ་ནས། །

ཚེ་དང་སྒྲུབ་པ་སྙོམས་པར་བྱིན་གྱིས་རློབས། །

མཆོག་གི་གསང་གསུམ་རྡོ་རྗེའི་སྒྱུ་འཕྲུལ་གར། །

རྩོད་ལྡན་དུས་ཀྱི་མུན་སེལ་འགྲོ་བའི་མགོན། །

འཇིགས་མེད་ཕུན་ཚོགས་ཞབས་ལ་གསོལ་བ་འདེབས། །

ཆོས་བརྒྱད་ཚེ་འདིའི་ཞེན་པ་རང་གྲོལ་ནས། །

ཚེ་དང་སྒྲུབ་པ་སྙོམས་པར་བྱིན་གྱིས་རློབས། །

གང་གི་གསུང་གི་འོད་ཟེར་འཕོས་པ་ལས། །

ཟབ་རྒྱས་ཆོས་ལ་བློ་གྲོས་འདབ་བརྒྱ་བཞད། །

བསྟན་འགྲོར་སྨན་པའི་ཕྲིན་ལས་མཛད་བཟང་ཅན། །

བསོད་ནམས་དར་རྒྱས་མཆོག་ལ་གསོལ་བ་འདེབས། །

ཆོས་བརྒྱད་ཚེ་འདིའི་ཞེན་པ་རང་གྲོལ་ནས། །

ཚེ་དང་སྒྲུབ་པ་སྙོམས་པར་བྱིན་གྱིས་རློབས། །

སྐྱེ་སྔོན་བསོ༵ད་ན༵མས་རྒྱ་ཆེན་ལེགས་བྱས་མཐུས། །

རྟེན་འདིར་འགྲོ་དོན་ཕྱོགས་མེད་ད༵ར་ཞིང་རྒྱ༵ས། །

རྒྱལ་བསྟན་དགུང་དུ་འདེགས་པའི་དཔལ་མངའ་བ། །

རྩ་བའི་བླ་མ་མཆོག་ལ་གསོལ་བ་འདེབས། །

བླ་མ་སངས་རྒྱས་དངོས་མཐོང་མོས་གུས་ཀྱིས། །

རྣམ་ཀུན་ཁྱེད་ཤེས་དྲག་པོས་གསོལ་འདེབས་ན། །

ཆོས་ཀྱི་འགལ་རྐྱེན་མ་ལུས་ཉེར་ཞི་ནས། །

ཆོས་བརྒྱད་བྲལ་བའི་དབེན་ཁྲོད་ཉམས་དགའ་བར། །

ཚེ་དང་སྒྲུབ་པ་མཐའ་རུ་ཕྱིན་ནས་ཀྱང་། །

མ་དག་འཁྲུལ་བའི་སྣང་བ་དབྱིངས་སུ་ནུབ། །

ཀ་དག་ཆོས་སྐུའི་དགོངས་པ་མངོན་གྱུར་ནས། །

ལྷུན་གྲུབ་བདེ་གཤེགས་སྙིང་པོའི་ཕོ་བྲང་དུ། །

གདོད་མའི་བཙན་ས་ཟིན་པར་བྱིན་གྱིས་རློབས། །

ཞེས་གསོལ་འདེབས་འདི་ཉིད་བླ་མ་རང་ཉིད་ཀྱི་དངོས་སློབ་ཅང་ཁུ་ཞེས་པ་སོགས་འགའ་ཤས་ཀྱིས་བསྐུལ་ངོ་མི་ལྡོག་ཙམ་དུ་གཡང་ཐང་སྤྲུལ་མིང་པས་ཕྱི་ལོ༢༠༡༥ལོའི་ཟླ་༩་པའི་ནང་བྲིས་པ་འདིས་ཀྱང་བླ་མའི་བྱིན་རླབས་རྒྱུད་ལ་གཞུག་པའི་རྒྱུར་གྱུར་ཅིག བཀྲ་ཤིས།