མཁན་ཆེན་གསུམ་གྱིས་བྲིས་པའི་རྗེས་དྲན སྒྲ་ཡིག 喇荣大堪布们著译】f w纪念文

རྒྱང་རིང་མི་ཚེའི་ལམ་ལ་ཕྱིར་ལྟས་བྱས་ན།།

འལ་འོལ་གཟུགས་བརྙན་མང་པོ་འཆར་རྒྱུ་འདུག་སྟེ།།

ནམ་ཡང་བརྗེད་དུ་མེད་པ་འདྲེན་མཆོག་བླ་མའི།།

དགྱེས་ཞལ་ཟླ་བ་དཀར་པོ་སླར་ཡང་དྲན་འདུག།

回首漫漫人生路，

诸多影像心中现，

再念难忘圣恩师，

犹如明月之笑颜。

ལ་རྩེ་གན་ན་ལྕགས་སྐུད་ཟངས་སྐུད་མེད་དུས།།

རི་འདབས་འདི་ན་ལམ་གྱི་རྨ་ཁ་མེད་དུས།།

མཐོ་སྒང་གངས་དཀར་རི་རྒྱུད་ས་གཙང་ཡིན་དུས།།

ང་ཚོའི་མི་རབས་འདི་ཡི་ཡན་ཞིག་ཡིན་འདུག།

山顶无有铜铁线，

山麓无有道路疮，

雪域山脉清净地，

吾辈前人之时代。

ནམ་ལངས་དུ་བ་སྔོན་མོ་རི་ལ་བཏང་ཞིང་།།

ཕྱུགས་ནག་ནོར་གྱི་གཟས་ཁ་ཐང་ལ་བསྐོར་བའི།།

ཝ་ཤུལ་གསེར་ཐ་ཞེས་པའི་ལྷ་སྡེ་གཙང་མ།།

མདོ་ཁམས་གསེར་ཆུ་རིང་མོའི་རྒྱུད་ན་ཆགས་འདུག།

清晨炊烟萦山冈，

牧区牲畜遍围绕，

瓦西色达净村庄，

多康色曲河流旁。

གནུབས་བཟའ་གཡུ་མཚོ་ཟེར་བའི་མོ་གཞོན་ཞིག་གིས།།

མཛའ་མཐུན་ལས་ཀྱིས་བསྐོས་པའི་ཟུར་མིག་འཕེན་ས།།

ལྕགས་ཁུང་པད་དེ་ཟེར་བའི་བུ་ལ་བབས་པས།།

སྦྲ་ཆུང་གྲུ་བཞི་ཞིག་གི་གཞིས་ཁྱིམ་ཕུབ་འདུག།

洛氏耶措妙龄女，

嘉控巴德俊才郎，

亲密业缘生情愫，

四角帐篷中安家。

སྒོ་ཁའི་ལྷས་ན་འཚོ་རྒྱུའི་ནོར་ནག་ཉུང་ཞིང་།།

ཁྱིམ་གྱི་ཕུག་ན་བསགས་པའི་དོ་རྩིག་ཆུང་བས།།

ཐལ་སྐྱ་ཁྱིམ་ལ་ཆགས་པའི་རེ་སྦྲ་རྙིད་པོ།།

གཏེར་ཆེན་ལས་རབ་གླིང་པ་འཁྲུངས་ས་ཡིན་འདུག།

门口栏圈牧畜稀，

家中储积物资少，

简陋牛毛黑帐篷，

列朗大师诞生处。

སྦྲ་འདབས་ཆོན་ཐག་ནང་ན་གོག་ནས་འགྲོ་ཞིང་།།

སྦྲ་སྒོའི་ལྷས་ནག་ནང་ན་གཅེར་བུར་རྒྱུག་པའི།།

ཁ་ཆུའི་བ་ཐག་འཐེན་པའི་བྱིས་པ་ནག་སྡེར།།

པདྨའི་ཕོ་ཉ་ཞིག་གི་མིང་སྲིང་ཡིན་འདུག།

帐边绳下匍匐走，

帐外栏中裸身行，

垂涎黝黑之孩童，

莲师使者之同胞。

གནུབས་རིགས་གཡུ་ཡི་མཚོ་མོའི་བྲང་ལ་སྦྱར་ནས།།

ཞིམ་མངར་ནུ་ཞོའི་དྭངས་མ་ཧུབ་ཀྱིས་འཇིབ་བཞིན།།

སྤྱན་མིག་མཁའ་ལ་ཅེར་བའི་ལྷ་ཡི་བུ་ཆུང་།།

རྗེ་བཙུན་འཇམ་པའི་དབྱངས་ཀྱི་སྤྲུལ་བ་ཡིན་འདུག།

母亲耶措怀中倚，

吮吸纯净甘乳汁，

目视虚空小天子，

至尊文殊之化身。

གོས་ཐུང་ལྭ་བའི་གོང་ཁ་ཕྱིར་ལ་ལོག་ཅིང་།།

ཁམ་སེར་སྐྲ་ཡི་འདབ་མ་རླུང་གིས་སྐྱོད་བཞིན།།

ཁྱེད་ཅག་མིང་སྲིང་བཞི་ཡི་རྩེ་རྡོ་བསྒྲིག་ས།།

རྡོ་ཤོད་རྫུ་མའི་ལྷས་འདབས་ཆུང་ཆུང་ཡིན་འདུག།

短衣毛毡领外翻，

黄褐发丝迎风扬，

您四兄妹嬉戏地，

多科紫媚畜栏边。

མེ་ཏོག་ཐང་ལ་བརྒྱུགས་ན་བང་རྩལ་མྱུར་ཞིང་།།

ཁ་མཚར་རྩེད་མོ་གླེང་ན་ངག་སྒོ་ཡངས་བ།།

པྲ་ཚག་ཇོ་རུ་ལྟ་བུའི་ངོ་མཚར་ཁྱེའུ་ཆུང་།།

ལས་ཀྱི་མེ་ཏོག་ཕོག་པའི་གཙུག་རྒྱན་ཡིན་འདུག།

花原奔跑足力疾，

戏谑笑语擅言辞，

调皮奇童如觉日，

众人有缘顶饰尊。

ཕ་ཁྱིམ་མགོ་སྦྲ་སེར་བོ་ཁ་མདོག་ངན་ཞིང་།།

གོས་ཐུང་ཕྲག་པའི་ངོས་ན་ཚེམ་དྲུབ་མང་བས།།

ཕྱུག་པོའི་བུ་ཆུང་འགའ་རེས་མཐོང་ཆུང་བྱས་ཀྱང་།།

ཀུན་མཁྱེན་མི་ཕམ་རྒྱ་མཚོས་དབུགས་དབྱུང་ཡོད་འདུག

།家贫发枯容色暗，

短衣肩布多缝补，

虽富家子作轻视，

然麦彭尊赐安慰。

ཕ་ཡུལ་གསེར་རྟའི་རི་ལྗོངས་རྒྱབ་ནས་བཞག་ཅིང་།།

རྫ་སྟོད་སྤྲིན་པ་དཀར་པོ་མིག་གིས་འཚོས་ནས།།

ཁུར་ཤིང་རྒྱབ་ཏུ་བཅིངས་ཏེ་གོམ་པའི་འགྲོས་ཀྱིས།།

མདོ་ཁམས་རི་ཆུ་གཤག་དུས་ན་ཚོད་གཞོན་འདུག།

背离家乡色达域，

目光追寻石渠地，

背负旅囊徒步行，

多康山水少年期。

ལྕང་མ་ཐར་ཐོར་སྐྱེས་པའི་རི་སུལ་ཞིག་ནས།།

ཁང་བའི་ཐོག་ཁེབས་མེད་པའི་ཆོས་གྲྭ་ཞིག་ནས།།

ཁོང་དང་ཁྱེད་གཉིས་ཐོག་མའི་ཞལ་རས་མཇལ་བ།།

ངོ་མཚར་ལོ་རྒྱུས་ཤིག་གི་དབུ་ཁྱུད་ཡིན་འདུག།

柳枝稀疏寂静地，

房屋露天之道场，

您与师尊初会面，

稀有行传之开端。

ཆོག་ཤེས་སློང་མོའི་ཟས་ཀྱི་འཚོ་བ་བརྟེན་ཞིང་།།

པགས་རྩག་ཧྲལ་བོ་གཅིག་གིས་དབྱར་དགུན་བསྐྱལ་ནས།།

ལས་ཀྱི་མེ་ཏོག་བབས་པའི་བླ་མ་ཞིག་དང་།།

ཐུགས་ཡིད་འོ་ཆུ་དཀར་པོ་མཉམ་དུ་འདྲེས་འདུག།

知足乞食而度日，

羔裘褴褛过冬夏，

善缘深厚上师尊，

心意水乳相交融。

གཞོན་པའི་ལང་ཚོ་དར་བས་རྩེད་མོར་དགའ་ཞིང་།།

རྣམ་དཔྱོད་རིགས་ལམ་མྱུར་བས་རྩོད་ལ་སྤྲོ་བ།།

འགྲོ་འདུག་སྤྱོད་ལམ་ཀུན་ཏུ་ཉམས་གླུ་ལེན་པའི།།

གུ་ཡངས་སྣང་བ་སྤྲོ་བའི་གཤིས་ཤིག་བཞུགས་འདུག།

青春韶华喜嬉戏，

思辨机敏喜辩论，

行住威仪唱道歌，

豁达开朗真性情。

གངས་ལྗོངས་ལྷ་ཡི་སྐྱེད་ཚལ་སད་ཀྱིས་བཅོམ་དུས།།

གསེར་ཤོད་རི་བོའི་རྩེ་ནས་ར་རྫིའི་ཚུལ་གྱིས།།

ཉམ་ཐག་དུད་འགྲོའི་རྣ་བར་ཆོས་སྒྲ་བསྒྲགས་པས།།

ར་མ་ནག་པོ་རེས་ཀྱང་ཐར་ལམ་ཟིན་འདུག།

雪域天苑霜摧时，

色达山顶牧羊人，

旁生耳中传法语，

黑山羊亦得解脱。

གསང་ཆེན་འོད་སྐུར་གྲོལ་བའི་དབེན་ཁྲོད་དེ་ནས།།

ཡང་དར་བསྟན་པའི་མེ་སྟག་སླར་ཡང་གསོས་ཏེ།།

སྙན་གྲགས་དབྱར་གྱི་རྔ་སྒྲ་དགུན་ཡང་གྲག་ཅིང་།།

འཕྲིན་ལས་རྒྱ་མཚོའི་རླབས་ཀྱིས་ས་ཆེན་བསྒུལ་འདུག།

大密虹身成就地，

再次复兴教余烬，

名誉夏雷冬复响，

事业海浪震大地。

སྐྱབས་མེད་ཉམ་ཐག་འགྲོ་བའི་སྡུག་བསྔལ་གླེང་ན།།

བརྩེ་ཆེན་ཐུགས་རྗེའི་གཟིགས་པ་སྤྲིན་བཞིན་གཡོ་ཞིང་།།

སྟོན་མཆོག་ཐུགས་རྗེ་ཅན་གྱི་སྐྱེས་རབས་གསུངས་ན།།

རྗེས་དྲན་དད་པའི་སྤྱན་ཆབ་ཆར་བཞིན་འཐོར་འདུག

།谈及无怙众生苦，

慈悲犹如云翻涌，

授释迦佛本生传，

随念信泪如雨下。

མཁན་ཆེན་ཐུབ་བསྟན་ཆོས་འཕེལ་ཐུགས་ཀྱིས་དྲན་ན།།

ཐ་མལ་སྣང་ཤེས་འགགས་པའི་གཤིས་ཤིག་བཞུགས་ཤིང་།།

ཀུན་མཁྱེན་མི་ཕམ་རྒྱ་མཚོའི་མཚན་ནས་བརྗོད་ན།།

དྭ་ཕྲུག་ཕ་མ་དྲན་འདྲའི་ཉམས་ཤིག་ཡོད་འདུག།

念师土登秋培尊，

能灭妄念之品性，

言师全知麦彭名，

犹如孤子念父母。

ཁྲ་མོ་གླིང་དཀར་སྟོད་ཀྱི་ས་ཆ་དེ་ལ།།

ཕ་ས་ཕ་ཡུལ་ཞིག་གི་ཐུགས་རྩེ་གཏད་ཅིང་།།

ཚ་ཞང་འདན་མ་བྱང་ཁྲའི་སྐུ་མཁར་རིང་མོར།།

ཕ་ཁྱིམ་དྲོན་མོ་ཞིག་གི་ཐུགས་འདང་འཇོག་འདུག།

察莫朗嘎上部区，

心中所系家乡境，

察扬丹玛高堡垒，

心中所念父亲家。

སྔོ་ལོའི་ནེའུ་ཆུང་ལུ་གུའི་ཚར་ཡག་དེ་ལ།།

ལྷད་མེད་གསེར་དང་འདྲ་བའི་དུང་བ་ཆེ་ཞིང་།།

འདན་མའི་སྲས་ཆུང་གཡུ་འོད་འབུམ་མེ་ཟེར་བ།།

དོན་ལ་ང་རང་ཡིན་ཞེས་ཡང་ཡང་གསུང་འདུག།

于彼尼琼美娇娘，

犹如赤金之情深，

耶吾布美丹玛子，

实即自身数数言。

བྱོན་བཞུགས་བྱ་བའི་རིགས་ལ་ཐུགས་ཐག་ཐུང་ཞིང་།།

གལ་ཆེན་གནད་ཀྱི་དོན་ལ་མཁྱེན་རྒྱ་ཡངས་པ།།

པྲ་བྱེའུ་ཧ་པ་སོགས་ལ་གཏིང་ནས་བརྩེ་ཞིང་།།

ཀི་བསྭོ་གླུ་བྲོ་གར་ལ་ཐུགས་སྣང་སྤྲོ་འདུག།

行住琐事无拖沓，

遇要事时智宽广，

慈爱鸟雀小狗等，

心喜道歌金刚舞。

ལུགས་གཉིས་གསུང་གླེང་གནང་ན་ངག་སྒོ་ཡངས་ཤིང་།།

མཐོན་པོའི་ཁྲི་ལ་བཞུགས་ན་སྐུ་བརྗིད་ཆེ་བ།།

ནམ་རྒྱུན་འཕྲེད་ལ་གཟིམས་ནས་ཐུགས་དམ་སྐྱོང་བའི།།

བཅོས་མིན་ཤུགས་འབྱུང་སྤྱོད་པ་མིག་ལ་འཆར་འདུག།

见师二规言词丰，

安住高座身威赫，

平日斜倚护禅定，

无造自然之作行。

ཐག་རིང་རྒྱང་ནས་ཕེབས་དུས་ཕ་འབབ་གནང་ཞིང་།།

གཅེས་པའི་བུ་ཆུང་གསུངས་ནས་བརྩེ་བས་གཟིགས་ཏེ།།

ལུགས་གཉིས་གདམས་པས་ཕ་ཡིས་བུ་བཞིན་བསྐྱངས་བའི།།

སྐུ་དྲིན་འཁོར་ཐབས་མེད་པའི་རྗེ་དེ་དྲན་འདུག།

念师远行返赠礼，

口称爱子慈观照，

二规教如父育子，

恩德深厚难回报。

ལྷ་དང་སངས་རྒྱས་ཟེར་བའི་སྐྱབས་ཤིག་ཡོད་དེ།།

ང་ལ་ལྟོས་ན་ཐག་རིང་ཐག་རིང་ཞིག་རེད།།

དག་པའི་ཞིང་ན་བཞུགས་ཀྱང་དྲིན་ཅན་བླ་མ།།

དད་འདུན་སེམས་ཀྱི་ནང་ན་ཁ་ཐག་ཉེ་འདུག།

虽有本尊佛依怙，

于我而言皆甚远，

然住净土恩师尊，

信奉心中若比邻。

ཁྱེད་ལ་ང་ལས་ལྷག་པའི་སློབ་མ་མང་ཡང་།།

ང་ལ་ཁྱེད་ལས་ལྷག་པའི་སྐྱབས་གཞན་མི་འདུག།

ཡོད་ཚད་རེ་བའི་འདུན་མ་གཅིག་ལ་དྲིལ་ན།།

འདོད་རྒུའི་དངོས་གྲུབ་སྩོལ་ཅིག་ཡིད་བཞིན་ནོར་བུ།།

您有胜我众弟子，

我无胜您之依怙，

所有寄托集一处，

请赐悉地如意宝！ 

ཞེས་པ་འདི་བཀའ་དྲིན་ཅན་ཀྱི་རྗེ་བཙུན་བླ་མ་དམ་པ་གང་གི་སྐུའི་རྣམ་པ་གསུང་གི་ཉམས་འགྱུར་སོགས་མཐུན་སྣང་འགྲོ་བའི་ངོར་ཇི་ལྟར་སྣང་བའི་རྣམ་ཐར་རྗེས་སུ་དྲན་པའི་གསལ་འདེབས་སུ་ མདོ་རྡོ་རྗེ་བྲག་ཏུ་འཆི་མེད་རིག་འཛིན་གྱིས་སྨྲས་པ་བཞིན་གྲྭ་ཆུང་བསྟན་འཛིན་མི་ཕམ་གྱིས་ཡི་གེར་ཕབ་པ་དགེ ། 2021 . 9 . 24对于至尊圣者大恩上师之身相、语态等众生共同所见前如何显现之行传，为了如是清晰忆念，乃于康定金刚寺，如齐美仁增口述般，小僧人丹增麦彭记录成文。2021年9月24日。